O alumnado de 3º, 4º, 5º e 6º cursos rematamos a semana cunha saída a Santiago de Compostela. No Auditorio de Galicia asistimos a un concerto ofrecido pola Filarmónica de Galicia e a compañía de monicreques Per Poc, quenes representaron a súa versión da obra "Romeo e Xulieta". Esta coñecidísima obra de teatro de William Shakespeare inspirou moitas películas e obras musicais, sendo unha das máis destacadas o ballet que compuxo Sergei Prokofiev en 1938.
Despois do concerto, asistimos á actividade "Emocións creativas dunha colección-Teatro de Emocións", na Sede Afundación da rúa do Vilar. Aquí falamos de sentimentos, identificámolos, resolvemos situacións e construímos un cubo das emocións.
E despois de comer, regreso ao cole moi contentos con todo o aprendido.
Ningún comentario:
Publicar un comentario