UN MUSICAL PARA INAUGURAR AS VACACIÓNS DO NADAL

Non foi exactamente un musical, xa que as actuacións non estaban relacionadas unhas con outras, é dicir, non había un fío argumental. Sen embargo, a grande protagonista do festival de Nadal foi a música: cancións para bailar, para cantar e para tocar soaron durante toda a mañá. Por iso, se temos en conta a clasificación das películas, co xénero que máis se asemella é co que colga no título desta noticia.
Ao noso escenario subiron personaxes moi coñecidos ao son de temas que forman parte dalgunhas das bandas sonoras cinematográficas máis famosas. As películas de animación foron as elixidas por Educación Infantil, para cantar e bailar un tema de O Rei León, "O León durme esta noite". 

No 1º ciclo escolleron "María Caipirinha", da película Río:

Tamén soaron "Singing in the rain", cunha coreografía moi fermosa do alumnado de 6º:

 "At the student café" de Doctor Zhivago, con acompañamento de percusión corporal por parte do 2º ciclo:

"Everybody needs somebody to love", da película The Blues Brothers, a cargo do 5º curso:

A melodía do tema principal de Titanic nas frautas de 6º:

O tema de "Os Picapedra" en versión para placas de 5º:

Tamén houbo oco para algunha versión de cancións propias do Nadal ("Jingle Bells"):

Outras elixíronas algúns dos nenos e nenas que estudan instrumentos fóra da escola: Nuria e Andrea coas súas guitarras, Álex no piano e Uxía coa súa pandeireta.

Rímonos moito cos chistes dos nosos presentadores de 6º e co monólogo de Rubén sobre "As bólas de Nadal":

O 1º ciclo tamén bailou "Somewhere":

E o 2º ciclo acompañou un tema sobre pratos voadores con percusión corporal:

Pero dende logo o festival rematou cunha aparición espectacular: Marilyn Monroe!!!

Despois de dar a benvida aos Reis Magos despedímonos deste primeiro trimestre. E aquí vos deixamos as imaxes dun festival no que o pasamos de cine!

CARTA AO APALPADOR

Pois como non podía ser doutra maneira, pensei que nesta ocasión as peticións literarias tiñan que estar relacionadas co cine. Así é como decidín escribir unha cartiña con películas baseadas en obras literarias!! É esta unha guía especial, unha guía con recomendacións para ler, ver e escoitar...

CONCURSO DE POSTAIS DE NADAL

Hoxe entregamos os premios ás postais gañadoras do Concurso deste 2014 que xa está a piques de rematar. Nesta ocasión, a maioría do alumnado inspirouse no tema cinematográfico, como cabía esperar se temos en conta que a produtora "Rosiña films" está que non para. A participación foi total e iso sempre é de por si un grande agasallo para todo o centro. Así que NORABOA  a todas e todos por tan creativas ilustracións!!! A novidade nesta edición foi que o xurado decidiu incluír unha nova categoría: un "premio especial". Así que, nesta ocasión, outorgáronse cinco premios:

Educación Infantil: TODO O ALUMNADO de Educación Infantil.

1º Ciclo de Educación Primaria: JORGE OTERO PITA, de 1º curso.

2º Ciclo de Educación Primaria: MIGUEL ROMERO VECINO, de 4º curso.

3º Ciclo de Educación Primaria: SAMUEL SANTIAGO POSE, de 6º curso.

Premio Especial do Xurado: ANDREA CARBALLO POMBO, de 3º curso.

E, entre todas elas, a de SAMUEL foi a elixida para enviar aos fogares de cada un dos membros da comunidade educativa. Esta tarde, os gañadores recolleron os premios nun comedor convertido para estas festas nun auténtico plató cinematográfico. Así de guapos saíron todas e todos recollendo os agasallos entregados polas súas mestras, con "OSCAR" incluído:

UN SIMPLE ACTO DE CARIDADE

"Un simple acto de caridade crea unha espiral sen fin que sempre volve a ti"

Ese é o lema do vídeo que podedes ver a continuación. É un vídeo que nos invita a reflexionar sobre os excesos que cometemos nestas datas e o difíciles que van resultar para aquelas familias que por desgracia están pasando unha situación económica delicada. A solución está, como sempre, nas nosas mans. 

UN DESCUBRIMENTO DO NADAL

Pois xa é casualidade que xusto agora que se achegan as festas do Nadal, un grupo de estudosos da Biblioteca Nacional de Noruega atoparan a primeira película sobre esta festa de DISNEY!!! Casual ou non, o que si é certo é que hoxe descubrimos esta noticia. O seu protagonista é Osvaldo, o coello afortunado,  e o título do filme é "Empty Socks" que poderiamos traducir por "Calcetíns baleiros". Datada no ano 1927, tan só dura 5 minutos e medio, aínda que ao parecer no arquivo atopado faltan 30 segundos que están gardados no Museo de Arte Moderno de Nova Iorque. Se pinchas sobre a imaxe podes escoitar e ver a noticia:

ANIVERSARIO DE WASSILY KANDINSKY

Xa sei que estades a mil por hora preparando o festival de Nadal, rematando os últimos traballos do trimestre, pensando nas vacacións... Pero quería contarvos: coñecedes a Wassily KANDINSKY? Foi un pintor ruso considerado o precursor da abstracción. Seguro que viches algún dos seus cadros! Pois Kandinsky cumpriría hoxe 148 anos, así que lendo un ratiño por Internet atopei parte dunha película adicada a el, no que se ve ao pintor traballando directamente sobre un lenzo. A película foi gravada no ano 1926, nunha galería de arte de Berlín (Alemania), e o director da mesma foi un pioneiro na realización de documentais de arte: Hans Cürlis. Así que aquí volo deixo, para que imitedes os trazos xeométricos dun dos maiores artistas do século XX. Quen sabe se algún/algunha de vós seguirá os seus pasos e se converte nun artista do século XXI...

CALENDARIO 2015

Para dar a benvida ao 2015, no centro elaboramos un calendario acorde co proxecto deste curso: o cine. E así de fermosos quedaron os 12 meses que o compoñen:

SESIÓN DE CURTAMETRAXES EN NOIA

Hoxe viaxamos ata Noia para asistir á "Mostra de curtas" que esta fermosa vila celebra dende hai quince anos. Unha curtametraxe é unha produción cinematográfica que dura menos de 30 minutos. Aproveitando que xa sabemos moitas cousas sobre a industria do cine, desfrutamos moito das curtametraxes proxectadas no Teatro Coliseo Noela. Aquí está a lista. Para que vos lembredes delas, engadimos a súa sinopse:

-Solos en la noche. Conta a historia de Jorge, Alba e Mónica. Jorge quere a Mónica, pero ela non lle quere. Alba, por outro lado, quere a Jorge, pero este non quere a Alba. E así viven estes tres personaxes, na soidade da noite, falándonos do amor e do desamor dende os seus diferentes puntos de vista.

-Cargo Cult. Nas costas de Papúa, en plena Guerra do Pacífico, algúns habitantes buscan a xenerosidade do deus Cargo creando un novo ritual.

-El juego. Mentras unha rapaciña espera nun parque, aparece unha muller que lle propón un xogo que consiste en seguir as liñas do chan se saírse delas.

-El balsero. Barú é un home que perdeu todas as súas pertenzas pola inundación da súa vila. Dende entón vive nunha balsa e pesca lembranzas do fondo do río.

-Lila. Cun só bloc de debuxo, Lila vai polo mundo convencida de que pode convertelo nun lugar moito mellor.

-Petersbourgh. 

-Greta y los Vegefantásticos. Como cambia a vida dunha nena de 8 anos, Greta, dende que coñece aos Vexefantásticos.

-Belabohemia. É unha historia de busca do amor, onde o seu protagonista, coa complicidade do seu inseparable can, vai materializando os seus soños a través de frascos de especias de onde nacen os elementos que van conformando o relato da súa vida, que finalmente aparece pintado nun lenzo da súa amada.

Despois da sesión de cine, tivemos tamén sesión fotográfica! E con quen nos retratamos? Pois nada máis e nada menos que con JORGE BELLVER, que é o director dunha das curtas que máis nos gustaron, "Greta y los Vegefantásticos".

A "XV Mostra de Curtas" remata o vindeiro domingo, pero para os que non poidan achegarse ata alí, ou para os que teñan interese en coñecer as proxeccións realizadas, na seguinte imaxe poderás acceder ao programa desta edición.

E aquí tedes as fotos que fixemos nunha mañá tan especial:

PELÍCULAS E MÚSICA PARA CELEBRAR OS DEREITOS HUMANOS.

      Como non podía ser doutra forma, traballando o tema do cine, hai que celebrar o día dos Dereitos Humanos con películas.

    A primeira é unha película de animación española cun guión artellado ao redor do tema dos Dereitos Humanos e á Declaración dos Dereitos do Neno.
       Titúlase "El extraordinario viaje de Lucius Dumb".

     Conta que aos científicos do Planeta encargóuselles descubrir un aparello que convertese a Terra nun lugar onde as persoas puidesen ser felices; e o escollido para desenvolver tan importante encargo resulta ser Lucius Dumb. O protagonista viaxa xunto a dous extraterrestes a diferentes lugares, e a súa aventura xira en torno a nove historias que representan os nove dereitos fundamentais dos nenos. 

    O bo de Lucius descobre que o instrumento buscado non é máis que: "Os dereitos humanos": 

    A directora desta película é Maite Ruíz de Austri, e a cinta conta co apoio da ONG "Músicos sen fronteiras", quen compuxo o tema principal da banda sonora. A produtora, en reciprocidade, colabora con eles axudando cunha parte dos beneficios, que irán integramente a axudar ás nenas con sida e prostituídas de Tailandia, a través da "Fundación Baan Manina".

     Aquí vos deixamos o tráiler da película:

          E como vos falamos tamén de música, contarvos que a banda sonora está composta por Pedro Calero e Mili Vizcaína e chámase "Os Dereitos Humanos, o teu mellor instrumento". Todos os artistas, músicos, cantantes e técnicos son extremeños. Entre eles: Bebe, Nacho Campillo, Cira, Enrique Fernández, Gabriel Echave, Miriam Solís, Modesto Peña "Tato", Gene García e Ulises Fernández. 

           Escoitádea e loitemos todos porque os vosos dereitos, os dos máis pequenos, sexan protexidos en todo o planeta!

       Deixámosvos tamén, pinchando sobre esta imaxe, o acceso á páxina web oficial da película, que amosa unha chea de información e de xogos para vós. 

        Tamén temos unha curtametraxe titulada "My shoes" ("Mis zapatos"), de Nima Raoofi: 

        En catro minutos escasos a mensaxe queda moi clara. Despois de vela, podedes falar de moitos temas relacionados cos dereitos: envexa, compararse cos demais, xuzgar aos demais pola súa apariencia, conformarnos co que temos/somos, valorar aos que nos rodean e a nós mesmos, etc.

UN NOBEL DA PAZ ESPECIAL

No mes de outubro, o Comité noruego encargado de conceder os premios NOBEL, decidiu outorgalo nesta ocasión a dúas persoas que loitan polo dereito de todos os nenos á educación. Por un lado, ao indio Kailash SATYARTHI, quen deixou o seu traballo como inxeneiro informático para denunciar ás multinacionais que explotan aos nenos de entre 5 e 12 anos de idade. A organización que encabeza, "Global March", liberou da esclavitude empresarial a uns 80.000 nenose nenas en máis de 160 países. No seguinte vídeo podes ver un resumo do seu importantísimo esforzo:

Por outro lado, á paquistaní Malala YOUSAFZAI, a xoven á que os talibáns intentaron asasinar no ano 2012 por defender a escolarización das mulleres. Malala considera a educación "un poder para as mulleres, e iso é polo que os terroristas lle teñen medo á educación. Eles non queren que unha muller se eduque porque entón esa muller será máis poderosa". A pesar de ter tan só 17 anos de idade, leva anos loitando por este dereito, e co seu exemplo amosou que tamén a xuventude pode contribuír a mellorar as súas situacións. Como afirmou nun discurso no Parlamento Europeo, "algúns nenos/as non queren consolas, queren un libro e un bolígrafo para ir á escola".

No seguinte vídeo podes escoitar o seu discurso diante da Asamblea das Nacións Unidas, onde pronunciou outra destacada frase: "Un neno/a, un mestre/a, un libro e un lapis poden cambiar o mundo. A educación é a única solución". 

Kailash e Malala, a premiada máis xoven da historia, recolleron o Nobel da Paz o pasado 10 de decembro, Día dos Dereitos Humanos.

DEREITOS HUMANOS, 365 DÍAS AO ANO

"Dereitos humanos, 365 días ao ano" é o lema elixido este ano para conmemorar o Día dos Dereitos Humanos, que se vén celebrando cada 10 de decembro dende o ano 1950.

O Secretario Xeral das Nacións Unidas, Ban Ki-moon, pediu publicamente a todos os gobernos que cumpriran a súa obriga de protexer os dereitos humanos todos os días do ano. 

Durante estes días estase a celebrar en Lima (Perú), a "Conferencia sobre Cambio Climático", onde diversos expertos declararon que o cambio climático non se pode afrontar sen protexer os dereitos humanos: moitas persoas desfavorecidas, marxinadas, etc., levan unha forma de vida moi unida ao medio ambiente.

No cole tamén nos queremos comprometer a cumprir estes dereitos, xuntamente cos Dereitos do Neno. É por iso que esta semana sumarémonos á actividade "XI Carreira Quilómetros de solidaridade", que organiza Save the Children. Este ano, adicada á loita polos dereitos das crianzas de MALÍ. E lembrade que TODAS e TODOS podemos facer algo para coidalos e instalalos nas nosas vidas!

DÍA INTERNACIONAL DA ELIMINACIÓN DA VIOLENCIA CONTRA A MULLER

A violencia de xénero segue estando presente na nosa sociedade, moitas veces de xeito invisible: en ocasións, parece que unha parella, unha familia, etc., non teñen ningún tipo de problema, e mesmo parecen estar felices. Sen embargo, nos seus fogares viven auténticos pesadelos. Aínda que cada vez son máis as mulleres que se atreven a denunciar o maltrato que sofren, hai moitas cousas que deben mudar na nosa sociedade para que poidamos deixar de falar deste problema tan grave.

Rosiña achéganos unha curtametraxe moi apropiada para esta data. Titúlase Conte e é unha curta de animación do director francés Guillaume Arantes. En tan só dous minutos, e sen diálogo ningún pero cunha música moi axeitada, o filme relata o drama social da violencia no ámbito doméstico a través dun cabaleiro enmascarado que sae ao rescate dunha muller.

25 ANOS DA CONVENCIÓN SOBRE OS DEREITOS DO NENO

A Convención Internacional sobre os Dereitos do Neno cumpre 25 anos. Unha "convención" significa que os Estados participantes teñen a obriga de garantir o seu cumprimento. Esta é a diferenza co termo Declaración, que recolle unha serie de principios e normas que os Estados se comprometen a cumprir nas súas nacións.
No seguinte vídeo de Unicef resumen os dereitos que todos os nenos e nenas do mundo deberían ter:

Mais, infelizmente, non todos e todas os nenos e nenas teñen unha vida que respecte estes dereitos. Por iso é moi importante que sigamos coñecéndoos, traballándoos e loitando por eles, para que se cumpran aquí e en calquera recuncho do mundo!

O NOSO CARTEL!!!

Xa temos cartel para o proxecto deste curso. Agradecemos a colaboración de todos e todas os que poidéstedes botar unha man para que se vexa así de fermoso no corredor do colexio. Agora xa non hai marcha atrás: a produtora "Rosiña films" xa está creada e disposta a estrear todos os vosos filmes, así que ADIANTE con eles!!!

SAMAÍN 2014

Este ano celebramos o Samaín desfrutando non só coas actividades programadas, senón tamén dun tempo marabilloso que nos enche a todos/as de bo humor e moita enerxía. Será por iso que trouxemos ao cole unhas cabazas moi ben decoradas e con moitas alusións ao cine, o tema do proxecto deste curso. Así puidemos ver dende directores de cine, equipados con todo detalle, ata algún actor ou varios protagonistas de películas moi coñecidas por todos vós!

Entre todas elas, os nenos e nenas do cole elixístedes unha, e despois de sumar todos os votos obtidos, saíron 3 cabazas gañadoras que esta mañá recolleron o seu premio no cole. Lembrades cales foron?

Un premio foi para IRIA LÓPEZ CARREIRA (3º de Ed. Primaria), pola súa cabaza reconvertida en Spiderman, un dos personaxes de cómic máis coñecidos; outro para PAULA BARCIA BLANCO (1º de Ed. Primaria), que a transformou en Minnie Mouse; e un primeiro premio para JULIA PEREIRA FACAL (6º de Ed. Primaria), polo seu simpático Minion. As profes Isabel, Cruz e Rocío entregáronlles os agasallos:

Pero houbo un montón de cabazas máis que alegraron o noso corredor durante esta semana. Como sabemos que vos encantará velas de novo, aquí as tedes!

Durante esta semana tamén convocamos o "V Concurso de Relatos de Medo". E que sucedeu? Pois que Rosiña pasou unhas noites tremendo coas historias de todos vós, pero houbo algunhas que lle fixeron pensar que estaban rodando unha peli de terror nos prados que hai ao redor do colexio e do cemiterio. Ai, que malas noites pasou estes días!!! E os "culpables" foron: a historia "O monstro papanenas", que idearon en EDUCACIÓN INFANTIL; "O medo e o terror", de PAULA MANEIRO BERGANTIÑOS (2º de Ed. Primaria); "A resurrección imposible", de ANDREA LABANDEIRA OTERO (4º de Ed. Primaria); e "Os tres directores: o bo, o vello e o malo", de FROILÁN MUÑIZ PONTE (6º de Ed. Primaria). Si, si, aquí teñen cara de boas persoas os tres, e coas mestras que lles entregaron o agasallo, pero lede as súas historias! Pasarédelo de medo!!!

E finalmente chegou o momento de probar as nosas elaboracións gastronómicas: mandarinas que transformamos en cabazas, plátanos que se converteron en pantasmas, salchichas que semellaban dedos sanguentos, sándwiches que parecían momias, vasoiras de meigas, queixos que se transformaron en ollos ou ratiños... E comémolo "todito, todito"...

Pola tarde o cole converteuse nun cine, onde se proxectaron varias películas en diferentes "salas": en Infantil dúas curtametraxes de Disney ("A danza dos esqueletos" e "A casa encantada"); no 1º ciclo, "O alucinante mundo de Norman"; no 2º, "Frankenweenie"; e no 3º, "O Apóstolo". Moito medo a verdade é que non pasamos, pero desfrutamos moito da sesión cinematográfica e, ademais, por primeira vez estivo acompañada de... FLOCOS DE MILLO!!!

UN BO MOMENTO PARA LER A ROALD DALH

Coñeces este libro?

Non?? Pois bótalle un ollo a este pequeno vídeo.



Agora apetéceche lelo, verdade??

Búscao na biblioteca!!

Sección de Lectores Autónomos (nas baldas verdes). Busca no D de Dalh.

Ah!!

E disfútao!!

TÍTERES "FALCATRÚA"

O pasado venres visitamos a Aula de Cultura de Mazaricos, para asistir a un espectáculo ofrecido pola compañía de títeres "Falcatrúa". Titulada O espíritu do bosque, conta a historia do acontecido nun bosque que é invadido polo lixo. Un dos seus protagonistas, Celes, coida o lugar ata que o malvado Maldrás o convence para que abandone esa actividade e traslade uns misteriosos bocois ao bosque. Os bocois resultan ser radioactivos, polo que os habitantes da fraga (árbores, rochas... ) alertan a Celes quen, ao decatarse da gravidade da situación, tratará de desbaratar os plans do ruín Maldrás.

Ao final do espectáculo, os dous membros da compañía invitáronnos a ver o teatro por dentro, e puidemos tocar os personaxes, movelos, ver de que materiais estaban feitos, etc. Un detalle dos actores que agradecemos enormemente!!!

DÍA DAS BIBLIOTECAS

O 24 de outubro conmemórase o Día da Biblioteca, creado no ano 1997 para concienciar á sociedade sobre a importancia da lectura en todas as etapas da nosa vida, e para destacar a importante labor que realizan os bibliotecarios. Por este motivo, foron moitas as bibliotecas galegas que promoveron diferentes actividades para nenos e nenas de todas as idades: exposicións bibliográficas, obradoiros de cómic e de curtametraxes, visitas guiadas, liberacións de libros e proxeccións, etc. Ademais, a Rede de Bibliotecas de Galicia acaba de inaugurar un novo servizo, GaliciaLe, unha plataforma en liña que dende o 20 de outubro pon á disposición dos usuarios e usuarias das bibliotecas públicas máis de 1.700 títulos de libros electrónicos, para o seu empréstito a través do portal http://www.galiciale.es/
Este ano, o acto conmemorativo nacional tivo lugar na "Casa do lector" de Madrid, en colaboración coa "Fundación Germán Sánchez-Ruipérez". Interviron Carme Solé, ilustradora e autora do cartel, e Antonio Rodríguez Almodóvar, escritor e autor do pregón homenaxe a ANA MARÍA MATUTE, que podedes ler a continuación:

PREGÓN HOMENAJE A ANA MARIA MATUTE

-¡Ana María, despierta!
El príncipe se quedó contemplándola. Era guapa, el pelo negro, los ojos grandes, la boca carnosa. Luego la sacudió suavemente, por un hombro. Insistió: -Vamos, mujer, que ya es hora.
Ana María, solo después de un rato, empezó a moverse. Primero movió un dedo, luego una ceja, luego entreabrió un ojo.
-¿Y tú… quién… eres? –preguntó, no sin gran esfuerzo.
-¡Soy el Príncipe Azul!
-¿El qué?
-El príncipe… ¿No te acuerdas? Tenemos que amarnos.
-¿Es obligatorio?
-Claro, lo manda la tradición.
-¡Pues entonces vete a hacer gárgaras!
Ana María se giró hacia un lado y volvió a dormirse. El príncipe quedó sumamente desconcertado. Se incorporó del filo del lecho y se puso a pasear la estancia.Vio las telarañas del tiempo colgando de los pesados cortinajes, vio a un par de alabarderos durmiendo de pie, la nariz del uno apoyada en la nariz del otro. Vio, o mejor dicho, escucuchó la estridente sinfonía de ronquidos que le llegaban de todas partes de aquel palacio encantado; ronquidos atronadores de guardianes forzudos, ronquidos silbantes de cocineros exquisitos, ronquidos trascendentes de capellanes gordinflones, ronquidos, ronquidos… Como que tuvo que taparse las orejas para no ser víctima de aquel terremoto sónico… y entonces se dio cuenta: ¡el fuego de la chimenea también dormía! Se acercó, aproximó una mano a aquellas llamas petrificadas y quedó ensimismado… Luego de un tiempo incontable, levantó la vista y vio sobre la repisa una hilera de libros. Eran libros de cuentos, los únicos objetos de aquel lugar que no habían acumulado polvo ni telarañas. Con un temblique en el dedo índice de la mano derecha, impropio de todo un príncipe, fue recorriendo los títulos: Cuentos de antaño, de Charles Perrault, Cuentos de los hermanos Grimm, Cuentos de H. C. Andersen, Cuentos de Ana María Matute... Al leer este último, el corazón empezó a repicarle. Sacó el libro y lo abrió. Al azar fue leyendo: “Todos nos acostamos con el lobo, pero lo que no podemos hacer es confundirlo con la abuelita.” “La infancia es más larga que la vida”. “El que no ama está muerto”.
Justo al acabar esta frase, cesaron los ronquidos y el fuego de la chimenea cobró repentina vitalidad. El príncipe se apartó.
-Eso, ahora ponte a curiosear en mis cosas -oyó a sus espaldas.
Levantó un poco más la vista y vio, en el espejo de la chimenea, cómo se incorporaba en su magnífico lecho una dama todavía más magnífica. Casi cien años de edad, el pelo totalmente blanco y la sonrisa totalmente pura.
-¿Se puede saber qué día es hoy?
-¿Hoy? -El príncipe no tenía ni la menor idea.
-¡Me acabo de acordar!- Exclamó ella-. ¡Es 24 de octubre, día de la Biblioteca! ¡No te quedes ahí pasmao, que los niños nos están esperando! ¡Vamos, Príncipe Azul, mueve el culo!

Antonio Rodríguez Almodóvar

SAMAÍN 2014: HISTORIAS DE MEDO PARA LER E PARA VER!!!

Un ano máis, Rosiña escribiunos convidándonos ao "Concurso de Relatos de Medo" que tanto lle gusta celebrar. Nesta quinta ocasión, xa que estamos iniciando os nosos coñecementos sobre o mundo do cine, fíxonos unha proposta especial: soñar con ser guionistas cinematográficos!!! Veremos en que se inspira cada un de vós e con que sorprendentes e tenebrosas historias sorprendedes á nosa querida porquiña... 

Pero, por suposto!, tamén queremos animarvos a buscar a vosa cabaciña máis xeitosa para participar no "Concurso de Cabazas", que ademais formarán parte da decoración do corredor do colexio durante a vindeira semana. 

E o día 30, celebramos o Samaín coa entrega de premios, cun menú "de medo" feito para a ocasión polas nosas marabillosas cociñeiras, cantando "A bruxa Maruxa" e moitas máis cousiñas que vos iremos dicindo proximamente!!! 

Comezamos coa toma nº 1 das nosas historias terroríficas...

Aquí tedes a carta que vos escribiu Rosiña:

COMO SE FAN OS DEBUXOS ANIMADOS?

CINE DE ANIMACIÓN E SAMAÍN

     Estes días estamos aprendendo o que é o CINE DE ANIMACIÓN, o que todos chamades "debuxos animados".

    Aproveitando esta circunstancia e que pronto estaremos celebrando o Samaín, Rosiña quere compartir con vós tres das primeiras curtametraxes de Disney.

• A primeira delas foi rodada en 1929 e titúlase "The Squeleton Dance" (traducida como "A danza do esqueleto"). Na curta un grupo de esqueletos bailan e crean música nun tenebroso cemiterio, e os esqueletos usan o son das árbores e dos animais para acompañar o seu baile. Esta curta foi a primeira dunha serie titulada Silly Symphonies de Walt Disney. As notas musicais desta curta animada foron creadas por Carl Stalling, que logo crearía a música doutras curtas de Disney. Moita xente quedou impresionada con "The Skeleton Dance", debido a que os personaxes non falaban.




• A segunda delas tamén  foi rodada no mesmo ano, 1929, e titúlase "The haunted house" (traducida  como "A casa encantada") e xa tiña como protagonista ao noso querido Mickey Mouse. Nesta curtametraxe Mickey Mouse terá a fortuna de atopar acubillo nuha casa durante unha tempestade. Unha casa encantada por misteriosos personaxes que desencadearán unha morea de situacións divertidas.  




• A terceira curta titúlase "Trick or treat" ( traducida como "Truco ou trato") e foi filmada no ano 1952. Como veredes, xa está filmada con cor. As dúas anteriores estaban filmadas en branco e negro. Esta está en inglés e parécenos interesante para ver coa profe de inglés. No día de Halloween, Juanito, Jorgito e Jaimito van pedir lambetadas á casa do seu tío Donald. E este, en lugar de darlles caramelos, dálles uns petardos que explotan. A bruxa Hazel, que presenciou o que pasou, vailles axudar aos rapaces a conseguir os seus caramelos.

Esperamos que disfrutedes destas curtas animadas tan antigas pero, á vez, tan fermosas.

UN ESCRITOR MOI ESPECIAL NA NOSA BIBLIOTECA

Para todos aqueles que non puidestes asistir ou para aqueles que a queiran volver ver, aquí tedes a visita de Ángel en vídeo.
Disfrutádea!


VISITA ANGEL PEREIRA CARRACEDO á Biblioteca do CEIP VÍCTOR SÁENZ parte 1 from bibliotecavictorsaenz3 on Vimeo.



VISITA ANGEL PEREIRA CARRACEDO á Biblioteca do CEIP VÍCTOR SÁENZ parte2 from bibliotecavictorsaenz2 on Vimeo.

VISITA DE ÁNGEL PEREIRA

Mañá venres 3 de outubro, recibiremos pola mañá na nosa biblioteca a ÁNGEL PEREIRA CARRACEDO, ex-alumno do noso cole e mestre de Educación Física (que fixo as súas prácticas tamén connosco), e autor do libro “LO QUE LLEVO TATUADO” que escribiu baixo o sobrenome de Jason Bross.

Aínda que o libro de Ángel non é para rapaces de Primaria, Rosiña está segura que cando cumprades uns aniños vos encantará lelo e disfrutalo.

 

Ángel tivo o detalle de viaxar dende Londres, lugar onde actualmente reside, para vir a presentarnos o seu traballo, para falar cos rapaces e rapazas do cole sobre como foi a súa experiencia como escritor e para demostrarnos que calquera de nós pode escribir un libro se temos unha historia interesante que contar aos demais.

Seguro que todos tedes moreas de preguntas que facerlle, verdade??

Os rapaces de 6º curso prepararon, con moito agarimo, un cartel para anunciar a súa visita. Está pegado no corredor do colexio pero tamén o colgamos aquí para que todo o mundo poida velo:

O sábado día 4, terá lugar a presentación do libro e a firma de exemplares na Casa de Cultura de Mazaricos.

Estades todos invitados!!

BIBLIOGRAFÍA PARA O PROXECTO INTEGRADO BIBLIOTECA CÁMARA ACCIÓN

Se pinchades sobre "See on Pinterest" podedes acceder a toda a bibliografía que vaimos atopando para o noso proxecto sobre o cine. Para os máis cativos: ahí atoparedes todos os libros que de algunha forman tratan o tema do cine. Follow Asun García's board Proxecto Integrado BIBLIOTECA, CÁMARA, ACCIÓN. on Pinterest.

SAÚDO DE ROSIÑA

Ola, rapaciñas e rapaciños!

Xa estamos de novo aquí, inaugurando un novo curso escolar. Nesta ocasión, decidimos facelo cantando un tema de Magdalenas Fleitas cunha mensaxe que esperemos non se nos esqueza ningún día: "SONREÍR NO CUESTA NADA, Y SONREÍR LO PUEDE TODO". Tamén un sorriso se lle debeu debuxar na súa cara a Rosiña, ao ver que a Biblioteca xa estaba funcionando a pesar de que ela aínda non chegara das súas vacacións. Pero Rosiña trae novidades para este curso: un novo proxecto!!! Seguro que xa lestes a carta que vos deixou nas aulas, pero deixámosvola aquí para os que non puideran facelo e para os que queiran volvela ler. E xa sabedes que agora hai que comezar a traballar, porque queremos aprender un montón de cousas sobre o cine, non si? Pois adiante!!!

Comer e medrar

Atopamos este material agora. É unha lástima que este descubrimento non tivese lugar ao longo do curso para sacarlle partido nas clases pero din que nunca é tarde se a "dicha" é boa.

Botádelle unha ollada. De seguro vos vai gustar!

RECOMENDACIÓNS DE LECTURA VERÁN 2014

Pois como xa estamos a piques de rematar o curso e disfrutar das nosas ben merecidas vacacións aquí tendes as nosas recomendacións para que disfrutedes da lectura este verán!!

Disfrutádeas!!

A LITERATURA DO FÚTBOL

Hoxe comeza o Mundial de Fútbol Brasil 2014 e a moitos de vós encántavos o fútbol.

Que vos parece se ademais de xogar ao fútbol e ver os partidos do Mundial, tamén ledes historias arredor deste deporte?

 Hai moitísimas!!! 

Aquí tedes unhas cantas!

PINCHA ONDE PON : SEE ON PINTEREST


Sigue el tablero LITERATURA DO FÚTBOL de Asun en Pinterest.

PROXECTO DOCUMENTAL DE INFANTIL: OS FROITOS DE OUTONO

E por fin, para rematar recibimos o último proxecto, que a pesar de ser o último en colgarse no blogue foi o primeiriño en estar rematado. 

Trátase dun proxecto moi extenso, tanto, que tivemos que dividilo en 4 partes para poder maquetalo e logo volver a xuntalo todo e que o poidesedes ver aquí no blogue.

Os rapaciños e rapaciñas de Infantil estiveron investigando sobre OS FROITOS DE OUTONO. 

Son rapaces moi pequeniños que fan traballos enormes!!

Uns verdadeiros expertos nos froitos de outono. Podédes preguntarlles o que queirades. Eles teñen todos os datos.

Mirádeo, descargádeo e sacádelle proveito. En breve, estará accesible na biblioteca.

Menudo traballazo, chicos!!

Noraboa!!

PROXECTOS DE INGLÉS

En Inglés os máis pequenos tamén estiveron traballando con temas relacionados coa alimentación e a gastronomía. 

O primeiro traballo é a historia dunha oruga moi glotona "The very hungry caterpillar"

O segundo proxecto está centrado nos froitos do outuno e titúlase "Autumn".

Mirádeo, descargádeo e sacádelle proveito. En breve, estarán accesibles na biblioteca.

Moi bo traballo rapaces!!

PROXECTO DOCUMENTAL DE 6º CURSO: GIUSEPPE ARCIMBOLDO

Hoxe chéganos o proxecto documental de 6º curso. 

Os rapaces e rapazas decidiron centrarse na vida e no traballo dun artísta; en concreto un pintor italiano chamado GIUSEPPE ARCIMBOLDO que pintaba rostro humano a partir de alimentos como froitas e verduras.

Moito aprenderon sobre o traballo deste artista e, por suposto, tamén se animaron a poñer en práctica as súas ténicas.

Un proxecto moi "artístico"!

Mirádeo, descargádeo e sacádelle proveito. En breve, estará accesible na biblioteca.

Noraboa polo traballo!

PROXECTO DOCUMENTAL DE 5º CURSO: HISTORIA DA GASTRONOMÍA NA IDADE ANTIGA

A última investigación que nos chega hoxe é a de 5º curso. 

Os rapaces e rapazas deste curso tardaron moito en escoller o tema deste proxecto, pero finalmente decidíronse pola Historia da Gastronomía. Pretendían chegar ata os nosos días pero descubriron tantos datos sobre as orixes da gastronomía que non conseguiron pasar da Idade Antiga.

E aquí tedes o seu "histórico" traballo!

Mirádeo, descargádeo e sacádelle proveito. En breve, estará accesible na biblioteca.

Felicitacións polo moito que aprendestes con este formidable traballo!

PROXECTO DOCUMENTAL DE 4º CURSO: COMIDA BASURA

Chéganos, así en quente, unha nova investigación. Esta vez trátase do traballo dos rapaces e rapazas de 4º curso. 

Eles, durante este curso, decidíronse a investigar arredor do tema da Comida Basura. 

E aquí abaixo podedes acceder ao seu traballo!

Mirádeo, descargádeo e sacádelle proveito. En breve, estará accesible na biblioteca.

Fantástico traballo, rapaces!!

PROXECTO DOCUMENTAL DE 3º CURSO: AS BEBIDAS

A seguinte investigación que nos chega é a de 3º curso. 

Os rapaces e rapazas deste curso decidíronse a investigar arredor do tema das bebidas. 

E aquí tedes o seu magnífico traballo!

Mirádeo, descargádeo e sacádelle proveito. En breve, estará accesible na biblioteca.

Bo traballo, rapaces!!

PROXECTO DOCUMENTAL DE 1º CICLO: AS FROITAS

Bueno! 

Xa estamos a piques de rematar o curso, así que xa chegamos ao momento de facer públicos os resultados das nosas investigacións documentais realizadas dentro do noso Proxecto Integrado Papacontos Zampalibros.

Comezamos coa investigación de 1º ciclo. Os rapaces e rapazas deste ciclo quixeron investigar arredor do tema das froitas. 

E aquí tedes o "froito" do seu  traballo.

Mirádeo, descargádeo e sacádelle proveito. En breve, estará accesible na biblioteca.

Noraboa rapaces!!

O LEGADO CELTA

Estamos a punto de desfrutar dunha Xornada de Convivencia, durante a cal visitaremos o CASTRO DE BORNEIRO.

A biblioteca quere ofrecervos información sobre A CULTURA CASTREXA para que entedendades mellor o que alí ides ver. 

O documental que vos ofrecemos a continuación naceu dunha colaboración do Explora Films, Canal Historia, a TVE, a Fundación Cidade da Cultura de Galicia e a Xunta de Galicia.
DESFRUTADE coñecendo a cultura dos vosos devanceiros!

OS CONTOS DO 2º CICLO.

 Os rapaces de 2º ciclo desenvolveron unha actividad titulada OS NOSOS CONTOS, que consiste en que cada rapaz ou rapaza le un libro relacionado coa temática do Proxecto Integrado e o prepara para lérllelo posteriormente aos seus compañeiros en clase. A continuación, elabora un boletín cun pequeno resumo da lectura e contesta a 3 preguntas formuladas pola titora. Ese boletín ilústrao facendo a súa propia versión da portada do libro.

Aquí tedes as fotos dos rapaces cos seus boletíns.

BO TRABALLO, RAPACES!!

UNHA MÉDICO-ENDOCRINO NO NOSO COLE

Hoxe recibimos no noso cole a Cristina Guillín Amarelle,  médico-endocrino no Clínico que nos veu falar sobre como manter unha alimentación saudable.  Esta charla está englobada dentro do programa de actividades do Proxecto Integrado deste ano Papacontos Zampalibros, que xira arredor do tema da alimentación e a gastronomía.

Contar coa presenza de Cristina foi todo un honor para todos nós, pois aprendemos unha chea de cousas con ela sobre a NUTRICIÓN.

A esta charla estaban invitados tamén os pais pero non acudiron moitos dada a hora de celebración. Por iso, decidimos perdille permiso a Cristina para gravar en vídeo a charla e ofrecérvola dende aquí a todos os que quixestes acudir pero non puidestes. Está dividida en 4 partes:

Charla Endocrina parte 1 from ceipvictorsaenz on Vimeo.

charla endocrina parte2 from bibliotecavictorsaenz1 on Vimeo.

Charla endocrina parte 3 from bibliotecavictorsaenz2 on Vimeo.

Charla endocrina parte 4 from bibliotecavictorsaenz3 on Vimeo.

Tamén vos deixamos o material que ela proxectou durante a súa charla e que estamos seguros de que vos gustará ter sempre a man.

E para rematar a xornada fixémoslle entrega dun pequeno obsequio en agradecemento pola súa desinteresada colaboración.

Grazas, Cristina!!

LEMBRADE O IMPORTANTE QUE É TOMAR UN BO ALMORZO RAPACES !!

AS RECEITAS DAS MOCHILAS

Unha das actividades programadas dentro do Proxecto Integrado deste ano Papacontos Zampalibros consistía en:

• levar para a nosa casa, dentro da Mochila Viaxeira, libros de cociña con receitas 
• o día que tiñamos que traela de volta, debiamos traer feita unha receita dun dos libros de cociña da mochila ou dos que tiñamos na casa, elaborada xunto cos nosos pais. 
• explicarlles aos nosos compañeiros o proceso de elaboración da receita cociñada
• compartir e saborear as nosas receitas cos nosos compañeiros

Deste xeito, compartimos tempo de lectura coas nosas familias e tamén tempo de cociña.

Aquí tedes as fotos das algunhas das riquísimas receitas que saboreamos durante o curso.

AS RECEITAS DE INFANTIL

AS RECEITAS DE 1º CICLO

AS RECEITAS DE 3º

AS RECEITAS DE 4º

AS RECEITAS DE 5º

AS RECEITAS DE 6º

BIBLIOLARPEIRADAS

Os rapaces e rapazas de 5º queremos compartir con todos vós as nosas riquísimas receitas. 

A idea era que compartísemos cos nosos pais a elaboración dunha receita e logo desfrutar desa comida na clase cos compañeiros, despois de explicar en público o proceso de elaboración.

Con esta actividade queriamos participar no proxecto integrado deste curso PAPACONTOS ZAMPALIBROS, centrado no tema da gastronomía; traballar un tipo concreto de texto: a receita; mellorar a nosa expresión oral; e tamén  aprender a falar diante dun público.

O de falar diante dos compañeiros e que te estean gravando cunha cámara de vídeo era unha experiencia totalmente nova para nós e a algúns costounos máis que a outros, porque a vergoña, ás veces, podía con nós; outras veces tamén nos entraba a risa floxa.

Aquí tedes o resultado.

SEDE COMPRENSIVOS CON NÓS!! 

É moi difícil falarlle á cámara!